बुन्डेसलिगाः लेभरकुसेनलाई ११ अंकको अग्रता

काठमाडौँ- जर्मन बुन्डेसलिगा फुटबलअन्तर्गत शीर्ष स्थानको लेभरकुसेनले मेइन्जमाथि जित हात पार्दै दोस्रो स्थानको बायर्न म्युनिखसँगको अग्रता ११ अंकमा पुर्‍याएको छ ।

शुक्रबार राति भएको खेलमा लेभरकुसेनले मेइन्जलाई २-१ ले पराजित गर्दै बायर्न म्युनिखसँगको अग्रता फराकिलो बनाएको हो ।

---

मेइन्जविरुद्ध जित दिलाउन लेभरकुसेनका लागि ग्रानाइट झाका र रोबर्ट एन्ड्रिचले एक-एक गोल गरे । मेइन्जका लागि डोमिनिक कोहरले एक गोल फर्काए ।

जितसँगै लेभरकुसेनले २३ खेलबाट ६१ अंक जोडेको छ । लेभरकुसेनले जारी सिजनमा कुनै पनि खेलमा पराजय भोगेको छैन । यससँगै लेभरकुसेन ३३ खेलमा अपराजित रहेको छ ।

बुन्डेसलिगाको दोस्रो स्थानमा रहेको बायर्न म्युनिखको ५० अंक छ ।