नेपालले मलेसियाविरुद्ध खेल्दै एसीसी प्रिमियर कप क्रिकेटको सुरुवात गर्ने

काठमाडौँ- नेपालले मलेसियाविरुद्ध खेल्दै एसीसी पुरुष प्रिमियर कप क्रिकेट प्रतियोगिताको सुरुवात गर्ने भएको छ ।

एसियन क्रिकेट काउन्सिलले आइतबार सार्वजनिक गरेको तालिकाअनुसार प्रतियोगिता ओमानमा अप्रिल १२ देखि २१ तारिखसम्म आयोजना हुने छ ।

---

प्रतियोगिताको पहिलो खेल नेपालले मलेसियाविरुद्ध अप्रिल १२ मा खेल्ने तय भएको छ । प्रतियोगिताका लागि नेपाल समूह 'ए' मा रहेको छ । यस समूहमा नेपालसँगै मलेसिया, हङकङ, कतार र साउदी अरेबिया रहेका छन् । समूह 'बी' मा ओमान, यूएई, कुवेत, बहराइन र कम्बोडिया रहेका छन् ।

नेपालले दोस्रो खेल कतारविरुद्ध अप्रिल १३, तेस्रो खेल अप्रिल १५ मा हङकङ तथा समूह चरणको अन्तिम खेल साउदी अरेबियाविरुद्ध अप्रिल १७ मा खेल्ने तालिका रहेको छ ।