एफए कपः हालान्डले ५ गोल गर्दा म्यानचेस्टर सिटी अन्तिम ८ मा

काठमाडौँ- साविक विजेता म्यानचेस्टर सिटी एफए कप फुटबल प्रतियोगिताको क्वार्टरफाइनलमा प्रवेश गरेको छ ।

मंगलबार राति भएको पाँचौँ चरणको खेलमा लुटोनलाई ६-२ गोलअन्तरले पाखा लगाउँदै सिटी अन्तिम ८ मा प्रवेश गरेको हो ।

---

सिटीको जितमा नर्वेजियन स्ट्राइकर अर्लिङ हालान्डले ५ गोल गरे । सिटीका लागि माटेओ कोभासिसले एक गोल थपे । लुटोनका लागि दुवै गोल जोर्डन क्लार्कले फर्काए ।

सिटीका लागि हालान्डको यो आठौं ह्याट्रिक हो । यसका साथै सिटीका लागि दुई खेलमा पाँच-पाँच गोल गर्ने हालान्ड पहिलो खेलाडी पनि बनेका छन् ।