एथलेटिको बिलबाओ 'कोपा डेल रे' को फाइनलमा

काठमाडौँ- एथलेटिको बिलबाओ स्पेनिस कोपा डेल रे फुटबल प्रतियोगिताको फाइनलमा प्रवेश गरेको छ ।

बिहीबार राति भएको सेमिफाइनलको दोस्रो लेगमा एटलेटिको मड्रिडलाई ३-० ले पराजित गर्दै बिलबाओ फाइनलमा पुगेको हो ।

---

पहिलो लेगमा मड्रिडलाई १-० गोलअन्तरले पराजित गरेको बिलबाओले समग्रमा ४-० ले नतिजा आफ्नो पक्षमा पारेको हो ।

बिहीबारको खेलमा बिलबाओका लागि इनाकी विलियम्स, निको विलयम्स र गोर्का गुरुटेजाले एक-एक गोल गरे ।

उपाधिका लागि बिलबाओले अब फाइनलमा मालोर्काविरुद्ध अप्रिल ६ मा खेल्नेछ ।