नासिभलसँग इन्टर मियामीले बराबरी खेल्दा मेस्सीको गोल

काठमाडौँ- कोन्काकाफ च्याम्पियन्स कप फुटबल प्रतियोगितामा इन्टर मियामीले नासभिलसँग बराबरी खेलेको छ ।

शुक्रबार बिहान भएको प्रि-क्वार्टरफाइनलको पहिलो लेगमा मेजर सकर लिग क्लब इन्टर मियामीले अर्का मेजर सकर लिग क्लब नासभिलसँग २-२ गोलको बराबरी खेलेको हो ।

---

दुई गोलले पछि परेको अवस्थामा इन्टर मियामीले नासभिलसँग बराबरी खेल्न सफल भएको हो ।

जाकोब शाफेलबर्गले चौथो तथा ४६ औँ मिनेटमा गोल गर्दै नासभिललाई २-० को अग्रता दिलाएका थिए ।

तर ५२ औँ मिनेटमा इन्टर मियामीका लागि लियोनल मेस्सीले एक गोल फर्काए भने दोस्रो हाफको इन्जुरी समयमा लुइस सुआरेजले गोल गर्दै खेललाई बराबरीमा पुर्‍याए ।