हायातको शतकमा हङकङले दियो नेपाललाई २१३ रनको लक्ष्य

काठमाडौँ-  घरेलु टोली हङकङविरुद्धले टी-ट्वान्टी अन्तर्राष्ट्रिय खेलमा नेपाललाई २ सय १३ रनको लक्ष्य दिएको छ ।

मङककमा टस हारेर पहिले ब्याटिङ गरेको हङकङले निर्धारित २० ओभरमा ६ विकेट गुमाएर २ सय १२ रन जोड्यो ।

---

हङकङका लागि बाबर हायातले १ सय १० रन जोडे । हायातले ४९ बल खेल्दा १३ छक्का र ३ चौका हिर्काए ।

अन्सुमन रथले ३९ रन तथा मार्टिन कोएट्जीले ३१ रन बनाए ।

नेपालका लागि आकाश चन्दले ३ तथा प्रतिश जिसी, राशिद खान र आरिफ शेखले १-१ विकेट हात पारे ।

नेपाल, हङकङ र पपुवा न्युगिनीसम्मिलित त्रिकोणात्मक टी-ट्वान्टी अन्तर्राष्ट्रिय सिरिजअघि नेपाल र हङकङबीच टी-ट्वान्टी खेल भइरहेको हो ।