क्रिकेट टिमका कप्तान मल्लसहित तीन खेलाडीमा कोभिड-१९ संक्रमण

काठमाडौं : नेपाली राष्ट्रिय  क्रिकेट टिमका कप्तान ज्ञानेन्द्र मल्लसहित तीन खेलाडीलाई कोभिड-१९ को संक्रमण पुष्टि भएको छ ।  मल्लसहित उपकप्तान दीपेन्द्र सिंह ऐरी र रोहितकुमार पौडेललाई संक्रमण पुष्टि भएको नेपाल क्रिकेट संघले बताएको छ । 

कप्तान मल्लले आफूलाई संक्रमण देखिएको सामाजिक सञ्‍जाल फेसबुकमा स्टाटस लेखेर पुष्टि गरेका छन् । ‘सुरक्षा सवधानीको उपाय अपनाएको थिए । लक्षण कुनै देखिएको छैन’ उनले फेसबुकमा लेखेका छन्, ‘परीक्षणको रिपोर्ट पोजेटिभ आएछ ।’ आफू अहिले होम क्‍वारेन्टाइनमा रहेको जानकारी दिँदै आफ्नो सम्पर्कमा आएकाहरूलाई सावधानी अपनाउन मल्लले आग्रह गरेका छन् । 

---

नेपाल क्रिकेट संघले बन्द प्रशिक्षणमा २२ खेलाडी बोलाएको थियो । त्यसमा १८ जनाको स्वाब लिइएकोमा ३ खेलाडीमा संक्रमण देखिएको हो ।