काभा महिला भलिबल नेसन्स लिग आजदेखि काठमाडौँमा

काठमाडौँ- काभा महिला भलिबल नेसन्स लिग आजदेखि काठमाडौँमा सुरु हुँदै छ । उद्‌घाटन खेलमा घरेलु टोली नेपालले श्रीलंकासँग प्रतिस्पर्धा गर्नेछ । 

त्रिपुरेश्वरस्थित राष्ट्रिय खेलकुद परिषद्को कभर्डहलमा नेपाल र श्रीलंकाका बीचको खेल दिउसो ३:१५ बजे सुरु हुनेछ । बिहीबार नै भारत र इरान पनि ५:४५ बजेदेखि खेल्दै छन् । 

---

नेपाल टिमकी कप्तान अरुणा शाहीले घरेलु कोर्टमा स्वर्ण पदकको लक्ष्य राखेको बताएकी छन् । बुधबार भएको प्रि-म्याच कन्फरेन्ससमा उनले दुई साता अघि भएको रसियन टिमसँगको मैत्रीपूर्ण खेलले टिममा सुधार आएको बताएकी छन् । मैत्रीपूर्ण खेलमा नेपाल रिसिभ र डिफेन्समा कमजोर देखिएको थियो । 

श्रीलङकाले विपक्षी बलिया भए पनि राम्रो तयार साथ नेपाल आएको बताएको छ । नेपालले पछिल्लो पटक सन २०२१ मा भएको सेन्ट्रल जोनमा श्रीलंकालाई पाँच सेटमा हराएको थियो । लिगमा मालदिभ्स पनि सहभागी छ । माल्दिभ्सले आफ्नो पहिलो खेल शुक्रबार भारतसँग खेल्नेछ ।