काभा वुमन्स भलिबल : इरानले पहिलो जित निकाल्यो

काठमाडौँ- काठमाडौँमा जारी काभा वुमन्स नेसन्स भलिबल लिगमा इरानले पहिलो जित निकालेको छ ।

त्रिपुरेश्वरस्थित राष्ट्रिय खेलकुद परिषद् (राखेप) को कभर्ड हलमा शुक्रबार खेलमा इरानले श्रीलंकालाई ३–२ को सेटमा पराजित गरेको हो । खेलको सुरुवाती दुई सेट इरानले २५–२१, २५–१२ ले आफ्नो पक्षमा पारेको थियो तर त्यसपछि दुई सेट इरानले  २२–२५, १३–२५ ले गुमायो । अन्तिम तथा निर्णायक सेटमा भने इरान १५–११ ले विजयी भयो । पहिलो खेलमा इरान भारतसँग पराजित भएको थियो ।

---

प्रतियोगितामा नेपाल, इरान, भारत, श्रीलंका र माल्दिभ्स सहभागी छन् । राउन्ड रोविन लिगपछि अंक तालिकाको पहिलो र चौथो तथा दोस्रो र तेस्रो बीच साउन २२ गते सेमिफाइनल हुनेछ । फाइनल र तेस्रो स्थानको खेल साउन २३ गते हुनेछ ।