काभा महिला भलिबलको सेमिफाइनल : आज नेपालले इरानविरुद्ध खेल्दै

काठमाडौँ- काठमाडौँमा जारी काभा महिला नेसन्स भलिबल लिगको सेमिफाइनलका खेल आज हुँदै छन् ।

यो खेल त्रिपुरेश्वरस्थित राष्ट्रिय खेलकुद परिषद् (राखेप) को कभर्डहलमा हुने सेमिफाइनल खेलमा पहिलो खेल दिउँसो ३ बजे भारत र श्रीलंकाबीच हुँदै छ । 

---

त्यस्तै दोस्रो सेमिफाइनल खेल नेपाल र इरानबीच दिउँसो ५:१५ बजेदेखि शुरु हुने छ । 

यस अघि समुह चरणको खेलमा भारत १० अंकसहित शीर्ष स्थानमा रहेर सेमिफाइनलमा पुगेको छ भने नेपाल ९ अंकसहित दोस्रो स्थानमा रहेर सेमिफाइनलमा पुगेको हो ।

त्यस्तै इरान ७ अंकसहित तेस्रो भएर सेमिफाइनलमा पुगेको छ भने श्रीलंका ४ अंकसहित चौथो हुँदै सेमिफाइनल खेल्दै छ ।

त्यस्तै प्रतियोगितामा सहभागी माल्दिभ्स लिग चरणबाट बाहिरिएको थियो ।