अल्ट्रा धावक भारत प्रस्थान

काठमाडौं - आईएयु एक सय किलोमिटर विश्व  च्याम्पियनसिपमा सहभागी हुन तीन खेलाडीसहित ६ सदस्यीय नेपाली टोली आज भारतको बैङ्लुरु प्रस्थान गरेको छ ।

यही मङ्सिर २२ गते हुने उक्त प्रतियोगितामा भुमिराज राई, सन्तोषनाथ योगी र लाक्पा निमा शेर्पाले प्रतिस्पर्धा गर्ने छन् । तीनै खेलाडी नेपाल प्रहरीमा आवद्ध छन् । प्रतियोगितामा खेलाडी सहभागी गराउन नेपाल एडभेन्चर रनिङ महासङ्घले छनोट प्रतियोगिता आयोजना गरेको थियो ।

---

टोली प्रमुखमा नेपाल एडभेन्चर रनिङ महासङ्घका कार्यवाहक अध्यक्ष राजन खत्री, प्रशिक्षकमा बाबुराजा श्रेष्ठ र अफिसियलमा रविन्द्र श्रेष्ठ रहेका छन् । टोलीलाई सफलताको शुभकामना दिँदै राष्ट्रिय खेलकुद परिषद्अन्तर्गत प्रशासन विभागका प्रमुख प्रेमबहादुर मल्लले आजै एक कार्यक्रमबीच बिदाइ गरे ।