छैटौं इन्द्रावती गाउँपालिका स्तरीय राष्ट्रपति रनिङ शिल्ड प्रतियोगिता को उपाधी राजेश्वरीलाई

सिन्धुपाल्चोक- इन्द्रावती गाउँपालिकाको सहयोगमा श्री राजेश्वरी माध्यमिक विद्यालयले आयोजना गरेको छैटौं इन्द्रावती गाउँपालिका स्तरीय राष्ट्रपति रनिङ शिल्डको उपाधी आयोजक स्वयंम राजेश्वरी माविले हात पारेको छ । १० स्वर्ण ९ रजत २३ कास्य जित्दै प्रथम भएर राजेश्वरीले राष्ट्रपति रनिङ शिल्डको उपाधी उचालेको हो।

त्यस्तै भिमेश्वरी माविले ६ संवरण ३ रजत सहित १ कास्य पदक जित्दै दोस्रो हुन सफल भएको हो। प्रतियोगितामा ३ स्वर्ण २ रजत र ४ कास्य पदक जित्दै चण्डेश्वरी मावि तेस्रो हुन सफल भयो।

---

छात्र भलिबल तर्फ ऐसेलुखर्क मावी प्रथम हुदा राजेश्वरी दोस्रो सिपातिनधारा जनता मावि तेस्रो बन्यो। त्यस्तै छात्रा भलिबल तर्फ राजेश्वरी मावि प्रथम नवलपुर मावि दोस्रो र सिपातिनधारा मावी तेस्रो बन्यो। २८ पदक को लागि भएको प्रतियोगिता २७ गते बाट सुरु भएर आज सम्पन्न भएको हो।

राजेश्वरी यसाघी पनि राष्ट्रपति रनिङ शिल्ड को प्रतियोगितामा ३ पटक विजेता बन्दै च्याम्पियन हुँदा यसपटक पनि तिनै चोटि जित्दै रनिङ को च्याम्पियन बनेको राजेश्वरी माविका विद्यालय व्यवस्थापन समितिका अध्यक्ष बासुदेव अधिकारीले बताए ।