पाँचौँ खेलमा पनि आर्मी अङ्कविहीन‚सङ्कटासँग पराजित

काठमाडौँ-राजधानीमा जारी एन्फा यु–१६ युथ लिग फुटबल प्रतियोगिता अन्तर्गत आज भएको खेलमा सङ्कटा क्लबले  विभागीय टोली त्रिभुवन आर्मी फुटबल क्लबलाई पराजित गरेको छ ।​​

सातदोबाटो स्थित अखिल नेपाल फुटबल सङ्घ (एन्फा) मुख्यालय मैदानमा भएको खेलमा सङ्कटाले आर्मीलाई ३–० गोल अन्तरले पराजित गरेको हो । जितसँगै सङ्कटाले चार खेलबाट सात अङ्क जोडेको छ  भने पाँचौँ खेलमा पराजित आर्मी अङ्क विहीन छ ।

---

सङ्कटाको जितमा एल्सन राई, गुन्डस सुनुवार र पेम्बा तामाङले एक/एक गोल गरे । खेलको २१ औँ मिनेटमा एल्सनको गोलमार्फत सङ्कटाले पहिलो अग्रता लियो । त्यस्तै खेलको २५ औँ मिनेटमा गुन्डसले गोल गर्दै टोलीको अग्रता दोब्बर बनाए । खेलको ८३ औँ मिनेटमा पेम्बाले थप एक गोल गर्दै सङ्कटालाई आर्मीविरुद्ध  सहज जित दिलाए ।