पीएसजीको महत्वकांक्षा ठूलो छः सर्जियो रामोस

काठमाडौँ: स्पेनी रक्षक सर्जियो रामोस बिहीबारबाट फ्रान्सेली क्लब पेरिस सेन्ट जर्मेन (पीएसजी) सँग आबद्ध भएका छन् । रियल म्याड्रिडबाट ‘फ्रि-ट्रान्सफर’मा पीएसजी पुगेका रामोसले त्यहाँ दुई वर्षे सम्झौता गरेका छन् । 

३५ वर्षीय रामोसले पीएसजीमा चार नम्बरको जर्सी लगाउने छन् । सो जर्सी अर्का रक्षक थिलो केहरेरको नाममा थियो । जर्मन रक्षक केहरेर यसै महिना अर्को क्लबतर्फ लाग्ने हल्ला चलिरहेका बेला उनको जर्सी  रामोसलाई दिइएको हो । 

---

रामोसले पीएसजीसँग आबद्ध हुनुलाई आफ्नो जीवनकै ठूलो परिवर्तन मानेका छन् । ‘यो स्थानान्तरणले मेरो जीवनमा ठूलो परिवर्तन ल्याएको छ । जुन म कहिले पनि बिर्सने छैन । यस क्लबको महत्वकांक्षा ठूलो छ । अनि उच्च स्तरका प्रतियोगिताहरूमा पनि आफूलाई प्रमाणित गरेको छ । म यस क्लबलाई अझ अघि बढ्न मद्दत गर्न चाहन्छु । अनि म पनि पेरिसमा झनै निखारिएको खेलाडी बन्न चाहन्छु,’ रामोसले भनेका छन् ।