६७ वर्ष यताकै खराब लयमा आर्सनल

काठमाडौँ- इंग्लिस प्रिमियर लिगमा शनिबार राति आर्सनलले म्यानचेस्टर सिटीसँग ५-० को पराजय बेहोर्‍यो । नयाँ सिजनमा आर्सनलको यो तेस्रो हार हो । सुरुवाती दुई खेलमा आर्सनल बे्रन्टफोर्ड र चेल्सीसँग पराजित भएको थियो । इतिहादमा भएको खेलमा १० खेलाडीमा सीमित आर्सनलविरुद्ध सिटीका फेरान टोरेसले दुई गोल गरे । विजयी टिमका लागि एल्काइ गुन्डोगन, गाब्रियल जिजुस र रोड्रीले एक-एक गोल थपे ।

लिगका सुरुवाती तीन खेलमा लगातार हारेपछि आर्सनल अंकविहीन छ । आर्सनलले सन् १९५४-५५ सिजन यता पहिलो पटक सुरुवाती तीन खेल हारेको हो । प्रिमियर लिगको इतिहासमा दुई टिमले मात्रै यत्तिको खराब लय देखाएका छन् ।

---

सन् २००३-०४ सिजनमा उल्भरह्याम्पटनले सुरुवाती तीन खेल गुमाएको थियो । ति तीन खेलमा आर्सनलले नौ गोल खाएको थियो । त्यस सिजन उल्भरह्याम्पटन लिगको अन्तिम स्थानमा सीमित भएको थियो ।