इंग्ल्यान्डको क्रिकेट टिमले नेदरल्यान्ड्सको भ्रमण गर्ने

काठमाडौँ- इंग्ल्यान्डको क्रिकेट टोलीले जुन, २०२२ मा नेदरल्यान्ड्सको भ्रमण गर्ने भएको छ । इंग्लिस टोलीले घरेलु डच टिमसँग तीन एक दिवसीय खेल खेल्नेछ । तीनै खेल आम्सटेलभिनको भीआरए क्रिकेट मैदानमा हुनेछन् । 

पहिलो खेल जुन १७ मा हुनेछ । त्यस्तै, दोस्रो र तेस्रो खेल जुन १९ र २२ मा हुनेछ । यही समयमा इंग्ल्यान्डले न्युजिल्यान्डको पनि भ्रमण गर्ने हुँदा नेदरल्यान्ड्स दोस्रो रोजाइको टिम जाने सम्भावना छ । न्युजिल्यान्डमा इंग्ल्यान्डले तीन टेस्ट खेल्नेछ ।  

---

इंग्ल्यान्डको नेदरल्यान्ड्स भ्रमण आईसीसी क्रिकेट विश्वकप कप सुपर लिग अन्तर्गतकै हो । सुपर लिग विश्वकप छनौटको आधार पनि हो । सुपर लिगको अंक तालिकामा इंग्ल्यान्ड शीर्षस्थानमा छ । नेदरल्यान्ड्स भने अन्तिममा छ ।   

इंग्ल्यान्ड नेदरल्यान्ड्सविरुद्धका पछिल्ला तीन खेलमा अपराजित छ । यद्यपि सन् २०१४ को टी–ट्वान्टी विश्वकपमा भने नेदरल्यान्ड्स विजयी बनेको थियो ।