इटलीमा रोनाल्डोको नयाँ कीर्तिमान

काठमाडौं : शनिबार राती सिरी ए मा युभेन्टसले पार्मालाई हराउँदा क्रिस्टियानो रोनाल्डाले नयाँ कीर्तिमान राखेका छन् । पार्माविरुध्द दुई गोल गरेका रोनाल्डो एक वर्षको अवधिमा इटालियन लिगमा ३३ गोल गर्ने चौथो खेलाडी बनेका छन् ।
 
यससँगै, ३५ वर्षीय रोनाल्डोले युभेन्टसका पूर्वफरर्वाड ओमार सिभोरीले राखेको ३३ गोलको कीर्तिमान बराबरी गरेका छन् । रोनाल्डो र सिभोरीले भन्दा बढी गोल गनर नोरडाल र फेलिस बोरेलले मात्र गरेका छन् । रोनाल्डोले सन् १९५० मा ३६ गोल गरेका थिए भने बोरेलले सन् १९३३ मा ४१ गोल गरेका थिए । यस अंग्रेजी वर्ष सकिनुअघि युभेन्टसले अर्को एक खेल्ने हुँदा रोनाल्डोले आफ्नो गोलसंख्या बढाउने सम्भावना छ । 

रोनाल्डोले विपक्षीको पोस्टमा एक सय ७४ पटक आक्रमण बुन्दा ३३ गोल गरेका हुन् । अन्य लिगमा एक वर्षमै ३० भन्दा बढी गोल गर्ने खेलाडीमा रोर्बट लेवेन्डोस्की रहेका छन् । बार्यन म्युनिखका स्ट्राइकर लेवेन्डोस्कीले जनवरी एक यता ३२ गोल गरेका छन् ।    
 

---