नेपाल आइपुगे प्रशिक्षक अब्दुल्लाह

काठमाडौँ - नेपाली राष्ट्रिय टोलीका मुख्य प्रशिक्षक अब्दुल्लाह अल्मुताइरी नेपाल आइपुगेका छन् । उनी कतार एयरवेजमार्फत शनिबार साँझ ७ः५१ बजे त्रिभुवन अन्तर्राष्ट्रिय विमानस्थलमा अवतरण गरेका हुन् ।

साफ च्याम्पियनसिपको तयारीका लागि उनी कतार पुगेका थिए । उतैबाट माल्दिभ्स पुगेर साफ च्याम्पियनसिप खेलाएका अब्दुल्लाहले नेपाललाई पहिलो पटक साफ च्याम्पियनसिपको फाइनलमा पुर्‍याएका थिए ।

---

साफ च्याम्पियनसिप सकिनुअघि नेपाल नफर्किने घोषणा गरेका अब्दुल्लाहले अखिल नेपाल फुटबल संघ (एन्फा)का अध्यक्ष कर्माछिरिङ शेर्पा र कतार फुटबल संघसँगको वार्तापछि नेपाल आउने निर्णयमा पुगेका हुन् । एन्फाका पदाधिकारीले विमानस्थलमा पुगेर अब्दुल्लाहलाई स्वागत गरेका छन् ।