‘भारतले अस्ट्रेलियालाई हराउन असम्भव’

काठमाडौं : अस्ट्रेलिया भ्रमणमा रहेको भारतीय क्रिकेट टिमले घरेलु टिमविरुध्द पहिलो टेस्ट मै हार ब्यहोरेकाले आगामी खेलमा जित हासील गर्न गाह्रो हुने ब्राड हाड्डिनले बताएका छन् । अस्ट्रेलियाका पूर्वविकेट किपर रहेका हाड्डिनले भारतले एडलेइडमा सम्पन्‍न पहिलो टेस्ट हारेकोले अब श्रृङ्खलामा फर्कन सक्ने अवस्था नरहेको जिकिर गरे ।

‘भारतीय टिमले पहिलो टेस्ट जित्‍नु पर्थ्यो । एडलेइडको समग्र वातावरण उनीहरुको लागि सुहाउँदो थियो । त्यसकारण त्यो खेल उनीहरुले जित्‍ने अनुमान थियो । अब भारतलाई बाँकी टेस्ट जित्‍न मुश्किल छ,’ हाड्डिनले एसइएन रेडियोसँग कुरा गर्दै भने । 

---

अस्ट्रेलिया र भारतबीचको दोस्रो टेस्ट डिसेम्बर २६ मा मेलर्बनमा हुनेछ भने तेस्रो टेस्ट जनवरी ७ मा सिड्नीमा हुनेछ । मेलर्बन र सिड्नीको पिच भारतीय ब्याट्सम्यानका लागि सुहाउँदो भएपनि भ्रमणकारी टिमले अस्ट्रेलियालाई हराउने अनुमान गर्न सजिलो नभएको हाड्डिनको भनाइ थियो ।