स्थगित ‘बि’ डिभिजन लिग सुचारु हुने

काठमाडौं : अखिल नेपाल फुटबल संघ (एन्फा) ले शहिद स्मारक ‘बि’ डिभिजन लिग आउँदो फागुन ११ बाट सुचारु गर्ने भएको छ । नेपाली घरेलु फुटबलमा दोस्रो श्रेणीको लिग मानिने ‘बि’ डिभिजन कोभिड-१९ (कोरोना भाइरस) का कारण गत चैत्र १५ बाट स्थगित थियो । 

एन्फा पदाधिकारी र ‘बि’ डिभिजन क्लब प्रतिनिधिबीच बुधबार भएको बैठकले लिगको नयाँ मिति तय गरेको हो । एन्फा मूख्यालयमा भएको बैठकमा लिग सुचारु गर्दा अपनाउनु पर्ने स्वास्थ्य र तालिम सम्बन्धि प्राटोकोल बारेमा पनि छलफल भएको एन्फाले जनाएको छ ।  

---