राष्ट्रिय महिला भलिबल टिमको घोषणा

काठमाडौँ- बंगलादेशको राजधानी ढाकामा एसियन सेन्ट्रल जोन महिला तथा पुरुष भलिबल प्रतियोगिता आयोजना हुँदैछ । डिसेम्बर २१ बाट सुरु हुने प्रतियोगितामा भाग लिने नेपालले महिला टिमको घोषणा गरेको छ । प्रशिक्षक जगदिश भट्टले १५ खेलाडीलाई टिममा समावेश गरेका छन् । पुरुष टिम भने आइतबार मात्रै घोषणा गरिने बताइएको छ ।

२० खेलाडीको समूहबाट १५ जना खेलाडीलाई राष्ट्रिय टिमका लागि छानिएको हो । टिममा लक्ष्मी चन्द पनि परेकी छन् । उनी पहिलो पटक राष्ट्रिय टिममा परेकी हुन् । यसैगरी अन्य ६ खेलाडी टिममा फर्किएका छन् । शान्ती थारु, कविता भट्ट, कृपा अधिकारी, कामना विष्ट र सरस्वती जैशीले राष्ट्रिय टिममा पुनरागमन गरेका हुन् । तर रेश्मा भण्डारी भने यसपटक टिममा अटेकी छैनन् । रेश्मासँगै पुनम चन्द, शान्तिकला तामाङ, उषा विष्ट र जानकी भण्डारी पनि यसपटक राष्ट्रिय टिममा परेनन् । 
 

---

टिममा परेका खेलाडीहरू:
प्रतिभा माली 
सरस्वती चौधरी 
शान्ति थारु
सुनिता खड्का 
उषा भन्डारी
निरुता ठगुन्ना 
सफिया पुन 
कबिता भट्ट 
मनिसा चौधरी 
अरुणा शाही 
कृपा अधिकारी 
कामना विष्ट
लक्ष्मी चन्द
सलिना श्रेष्ठ 
सरस्वती जैशी