ढाकामा नेपाली महिला तथा पुरुष भलिबल टिमका दुई खेल

काठमाडौँ- यसपालिको एसियन सेन्ट्रल जोन वुमन्स भलिबल च्यालेन्ज कप बंगलादेशमा जारी छ । यो प्रतियोगितामा भाग लिन नेपालका महिला तथा पुरुष टिम ढाका पुगिसकेका छन् । पुरुषतर्फ नेपालले बिहीबार आफ्नो पहिलो खेलमा आयोजक बंगलादेशको सामना गर्दैछ । महिलातर्फ भने नेपालले श्रीलंकासँग प्रतिस्पर्धा गर्दैछ । 

यो प्रतियोगितामा पुरुषतर्फ चार टिम सहभागी छन् । नेपाल र बंगलादेशबाहेक उज्वेकिस्तान र श्रीलंका पनि जारी प्रतियोगितामा खेल्दै छन् । महिलातर्फ भने नेपालसँगै बंगलादेश, श्रीलंका, किर्गिजस्तान, उज्वेकिस्तान र माल्दिभ्स छन् । 

---

दुवै समूहतर्फ राउन्ड रोबिनमा खेल खेलाइनेछ । यस्तोमा अंक तालिकामा पहिलो र दोस्रो स्थानमा रहने टिम उपाधि (स्वर्ण पदक)का लागि भिड्नेछन् । दोस्रो र तेस्रो स्थान प्राप्त गर्ने टिमहरू भने रजत पदकका लागि प्रतिस्पर्धामा उत्रनेछन् । 

महिलातर्फको उद्घाटन खेलमा बिहीबार उज्वेकिस्तान र माल्दिभ्स भिड्ने तालिका छ । बिहीबारकै दोस्रो खेल भने नेपाल र श्रीलंकाबीच हुन लागेको हो ।