काठमाडौँ: नेपालले एसियन सेन्ट्रल जोन वुमन्स भलिबल च्यालेन्ज कपको महिलातर्फको खेलमा बिहीबार श्रीलंकालाई पराजित गरेको छ । सहिद सुहरावार्दी इन्डोर रंगशाला, ढाकामा भएको खेलमा नेपाली महिला टिमले श्रीलंकामाथि ३–२ जित दर्ता गरेको हो । 

नेपालले सुरुवाती दुई सेटमा पराजय भोगेको थियो । श्रीलंकाले पहिलो सेट २५–१९ ले जितेको थियो भने दोस्रो सेटमा २५–२१ को जित निकालेको थियो । तर त्यसपछिका तीन सेटमा भने नेपाल बलियो रह्यो । तेस्रो र चौथो सेटमा नेपाल क्रमशः २५–१५ र २५–१५ ले अघि रह्यो । निर्णायक सेट भने नेपालले १५–१३ को जित हासिल गर्‍यो । 

---

पुरुषतर्फ नेपालले बिहीबार नै आफ्नो पहिलो खेल खेल्दैछ । नेपाली टिमले बिहीबार अपरान्ह ४ः४५ मा आयोजक बंगलादेशको सामना गर्ने तालिका छ ।