सेन्ट्रल जोन च्यालेन्ज कपमा नेपाली महिला टिमको दोस्रो जित

काठमाडौँ- नेपाली महिला भलिबल टिमले एसियन सेन्ट्रल जोन वुमन्स भलिबल च्यालेन्ज कपमा शुक्रबार दोस्रो जित हासिल गरेको छ । बंगलादेशको ढाकामा जारी प्रतियोगितामा नेपालले माल्दिभ्सलाई ३–० ले पराजित गरेको हो । आफ्नो पहिलो खेलमा नेपालले श्रीलंकालाई हराएको थियो । 

माल्दिभ्सविरुद्धको खेलमा नेपाली महिला टिम तीनवटै सेटमा बलियो रह्यो । पहिलो सेट २५–११ ले जितेको नेपालले दोस्रो र तेस्रो सेटमा क्रमशः २५–९, २५–५ को जित दर्ता गर्‍यो । अब तेस्रो खेलमा नेपालले शनिबार आयोजक बंगलादेशसँग प्रतिस्पर्धा गर्नेछ । 
 

---