टाइगर कप : महिलातर्फ आर्मी उपाधि नजिक

पोखरा । पोखरामा जारी टाइगर कप महिला तथा पुरुष भलिबल च्याम्पियनसिपको महिलातर्फ त्रिभुवन आर्मी क्लब फाइनलमा प्रवेश गरेको छ। दोस्रो संस्करणको यो च्यम्पियनसिपमा नेपाल पुलिस क्लबलाई हराउँदै आर्मी उपाधि नजिक पुगेको हो।

पोखरा रंगशालास्थित भलिबल ट्रेनिङ सेन्टरमा आज भएको खेलमा नेपाल पुलिस क्लबलाई आर्मीले ३–१ को सेटमा हरायो।

---

आर्मीले पुलिसमाथि २१–२५,२५–१८,२५–२१ र २५–१३ को जित निकालेको हो । कुल ४ खेल खेलेको आर्मी ९ अंकसहित उपाधि होडमा पुगेको हो । आर्मीले उपाधि चुम्न एपीएफ अथवा न्यु डायमण्डबीच प्रतिष्पर्धा गर्नुपर्नेछ। एपीएफको ५ अंक छ भने न्यु डायमण्डको ७ अंक रहेको छ ।

टाइगर ग्रुप अफ पोखराको आयोजनामा जारी प्रतियोगितामा पुरुषतर्फ ५ र महिलातर्फ ५ गरी कुल १० टिमको सहभागिता रहने छ । राउण्ड रोविन लिगको आधारमा जारी प्रतियोगिताको महिला र पुरुष उपाधि विजेता टिमले समान ३÷३ लाख, उपविजेता टिमले १ लाख ५० हजार, तेस्रो हुने टिमले समान ७५ हजार र सान्त्वना हुने टिमले ३५ हजार प्राप्त गर्नेछन् ।

त्यस्तै महिला तथा पुरुषतर्फ उत्कृष्ट खेलाडीलाई समान २५÷२५ हजार तथा हरेक विधाका उत्कृष्ट खेलाडीहरुलाई समान १०÷१० हजारसहित ट्रफी प्रदान गरिने छ।