म्यानचेस्टर सिटी इंगल्यान्डको सबैभन्दा बलियो टिम : सोल्स्यार

काठमाडौं : बुधबार कारबाओ कपमा म्यानचेस्टर सिटीसँग पराजित भएपछि म्यानचेस्टर युनाइटेडका प्रशिक्षक ओले गनर सोल्स्यारले आफ्नो टिम इंगल्यान्डको सबैभन्दा बलियो टिमसँग हारेको प्रतिक्रिया दिएका छन् ।  जोन स्टोन्स र फर्नानडिन्होले एक–एक गोल गरेपछि युनाइटेड सोल्स्यारको नेतृत्वमा खेल्दा लगातार चौंथौं सेमिफाइनलबाट बाहिरियो । नर्वेजियन प्रशिक्षक सोल्स्यार सन् २०१८ मा ओल्ड ट्राफोर्ड आएपछि युनाइटेडले दुई लिग कप, एक–एक एफए कप र युरोपा लिगको सेमिफाइनल खेलेको छ । 

‘हामीले बलियो सिटी टिमको समाना गर्‍याै । उनीहरुले राम्रो खेले । हामीले उनीहररूलाई हराउन सक्ने गरी खेल्न सकेनौं । तर याे हारले युनाइटेडलाई मानसिक रुपमा कमजोर रहेको भन्न मिल्दैन । किनभने सिटी इंगल्यान्डकै सबैभन्दा बलियो टिम हो ।’ सोल्स्यारले भने ।  सिटीले अब प्रतियोगिताको फाइनलमा टोटनहमको सामना गर्नेछ । लिग कपको पछिल्ला तीन संस्करण जितेको सिटीले घरेलु कपहरुमा निरन्तर बलियो प्रदर्शन गर्दै आएको छ । 

---

काराबाओ कपबाट बाहिरिए पनि एफए कपमा भने युनाइटेडको सम्भावना सकिएको छैन । जहाँ आउँदो शनिबार सोल्स्यारको टिमले वाटफोर्डको समाना गर्दैछ । उता लिग अंक तालिकाको दोस्रो स्थानमा रहेको युनाइटेडले मंगलबार बर्नलीसँग खेल्नेछ ।