अस्ट्रेलियन ओपनबाट दुई हाई प्रोफाइल खेलाडी बाहिरिए

काठमाडौँ-अस्ट्रेलियाको मेलबर्नमा जारी अस्ट्रेलियन ओपनबाट बिहीबार दुई हाई प्रोफाइल खेलाडी बाहिरिएका छन् । विश्व वरीयतामा तेस्रो नम्बरमा रहेकी गारबिन मुगुरुजा र सात नम्बरमा रहेकी एनेट कोन्टाभेइट दोस्रो चरणबाटै बिदा भएका हुन् । 

स्पेनकी मुगुरुजा एलिज कोनेटसँग ६–३, ६–३ ले पराजित भएकी हुन् । उता कोन्टाभेइटलाई क्लारा टाउसनले ६–२, ६–४ ले पाखा लगाइन् । 

---

‘मैले आक्रामक खेल देखाउन सकिन । मेरो खेलस्तरले म आफैँलाई पनि अच्चमित बनाएको छ । सायद मैले बलिया सटहरू खेल्न सकिन । यो नतिजाले निराश बनेको छु,’ डब्लुटीए जित्दै सन् २०२१ को समापन गरेकी मुगुरुजाले भनिन् । 

मुगुरुजाले दुई पटक ग्रान्डस्लाम जितेकी छन् । अनि उनी दुई पटक नै उप–विजेता पनि बनेकी छन् । सन् २०२० को अस्ट्रेलियन ओपनको फाइनलसम्म पुगेकी मुगुरुजाले यो प्रतियोगिता जित्न थप समय पर्खनु पर्ने भएको छ ।