उपाधि दाबेदार आइभरी कोस्टलाई पन्छाउँदै इजिप्ट क्वाटरफाइनलमा

काठमाडौं– अफ्रिका कप अफ नेसन्सको उपाधिका लागि बलियो दाबेदार प्रस्तुत गर्दै आएको आइइभरी कोस्टको यात्रा टुंगिएको छ । बुधबार राती इजिप्टसँग ट्राइबेकरमा पराजित हुँदै कोस्टको उपाधि सपना गुमेको हो । यो जितसँगै इजिप्ट क्वाटरफाइनलमा प्रवेश गरेको छ ।

बलियो मानिएकाे आइभरीमाथि इजिप्टले ट्राइब्रेकरमा ५–४ को जित निकालेको हो ।

---

निर्धारित र थप गरिएको अतिरिक्त समयको खेल पनि गोलरहित बराबरीमा टुंगिएको थियो । खेल क्यामरुनमा भएको हो । अब इजिप्टले क्वाटरफाइनलमा मोरोक्कोसँग ३० जनवरीमा खेल्नेछ ।
यस्तै अर्काे प्रि–क्वाटरफाइनलमा इक्वेटेरियल गिनियाले मालीलाई सडन डेथमा हराएको छ। ६–५ ले पराजित गर्दै क्वाटरफाइनलमा सेनेगलसँगको भेट पक्का गरेको हो। निर्धारित र थप गरिएको अतिरिक्त समय दुवै टोलीले गोलरहति खेले। ट्राइब्रेकरमा पनि बराबरीपछि सडन डेथमा इक्वेटेरियल गिनिया विजयी बन्यो।