सन्दीप लामिछाने ५० विकेट लिने पहिलो नेपाली क्रिकेटर

काठमाडौं–नेपालका चर्चित लेग स्पिनर एवं नेपाली क्रिकेट टोलीका कप्तान सन्दीप लामिछाने टी–ट्वान्टी क्रिकेटमा ५० विकेट लिने पहिलो नेपाली खेलाडी बनेका छन्।
लामिछानेले आमोनमा भइरहेको खेलमा आयरल्याण्डविरुद्ध विकेट लिएपछि उनको नाममा विकेट संख्या ५० पुगेको हो ।

ओमानमा अहिले चारदेशीय टी–ट्वान्टी सिरिज जारी छ । सो अन्तर्गत नेपालले आयरल्यान्ड प्रतिष्पर्धा गरिरहेको छ। यही खेलमा विकेट लिँदै सँनदीयले रेकर्ड बनाएका हुन्। लामिछानेले २९ खेलमा ५० विकेटको कीर्तिमान पूरा गरेका हुन् ।

---

लामिछाने टी–ट्वान्टीमा सर्वाधिक छिटो ५० विकेट लिने विश्वकै तेस्रो क्रिकेटरसमेत बने । उनीअघि श्रीलंका पूर्व स्पिनर अजन्था मेन्डिस छन्। उनले २६ खेलमा ५० विकेट पूरा गरेका थिए । त्यसपछि  आयरल्यान्डका मार्क आदिरले २८ खेलमा ५० विकेट हात पारेका थिए।