रुटको दोहोरो शतक, इंग्ल्याण्डको अग्रता

गाले : श्रीलंकाविरुद्ध इंग्ल्याण्डका कप्तान जोय रुटले दोहोरो शतक बनाएका छन् । पहिलो टेस्टको तेस्रो दिन रुटले दोहोरो शतक बनाएका हुन् । ३२१ बल सामना गरेका रुटले १८ चौका र १ छक्का प्रहार गर्दै दोहोरो शतक बनाएर २ सय २८ रनमा आउट भए ।

ओपनर व्याट्सम्यान सस्तैमा आउट भएपछि पहिलो दिनदेखि कप्तानी इनिङ खेल्ने क्रममा रुटले तेस्रो दिन दोहोरो शतक पूरा गरेका हुन् । यो उनको व्यक्तिगत चौथो दोहोरो शतक हो भने १८ औ शतक । रुटले इंग्ल्याण्डका लागि ८ हजार रनको कोशेढुंगा पनि पार गरेका छ्न । 

---

रुटको दोहोरो शतकको मद्दतमा इंग्ल्याण्डले पहिलो पालीमा अग्रता लिएको छ । श्रीलंकालाई १ सय ३५ रनमै अलआउट गरेको इंग्ल्याण्डले पहिलो पालीमा ४ सय २१ रन बनायो । पहिलो पालीमा २ सय ८६ रनको अग्रता लिएको इंग्ल्याण्ड बलियो अवस्थामा पुगेको छ ।

रुटसँगै इंग्ल्याण्डका लागि ड्यान लवरेन्सले ७३ र जोनी बेयरस्टोले ४७ रन बनाए । श्रीलंकाका दिलरुवान परेराले ४ विकेट लिए । श्रीलंका भ्रमणमा रहेको इंग्ल्याण्डको दुई वटा टेस्ट क्रिकेट खेल्नेछ । (इएसपिएन क्रिकइन्फोको सहयोगमा)