रोम डर्बीः लाजियोको प्रभावशाली जित, शीर्ष चारमा पर्ने सम्भावना जिवितै

काठमाडौं : रोम डर्बीमा शुक्रबार एस रोमालाई ३-० ले पराजित गर्दै लाजियोले सिरी ए को शीर्ष चार भित्र रहँदै सिजनको अन्त्य गर्ने सम्भावनालाई जिवित बनाएको छ । स्पेनी मिडफिल्डर लुइस अल्बर्टोले दुई गोल गरेपछि लाजियाले रोमालाई सहजै पराजित गर्याे । जितसँगै लाजियो  १८ खेलबाट ३१ अंक बनाउँदै सातौं स्थानमा उक्लेको छ ।

स्टेडियो ओलिमपिकोमा सम्पन्न खेलमा १४ औ मिनेटमै सिरो इम्मोबिलेको गोल मार्फत लाजियाले अग्रता लियो । नौ मिनेट पछि अल्बर्टोले लाजियोको दोस्रो गोल गरे भने दोस्रो हाफमा ब्यक्तिगत दोस्रो गोल गरे । गत सिजन लाजियोले इटालियन लिगमा चौंथौं स्थान प्राप्त गर्दा महत्वपूर्ण खेलाडी रहेका अल्बर्टोले यस सिजन पनि आफ्नो बलियो लयलाई जारी राखेका छन् ।

---

उनले सिमिओनो इन्जाघी नेतृत्वको टिमका लागि यो सिजन ६ गोल गरिसकेका छन् । गत सिजन २८ वर्षीय पूर्व लिभरपुल मिडफिल्डरले कुल ६ गोल नै गरेका थिए भने १६ असिस्ट दर्ता गरेका थिए । 

दुई मिलान क्लब शीर्षस्थानमा रहेका सिरी ए मा पराजित रोमा अझै पनि तेस्रो स्थानमा आसिन छ । १८ खेलबाट ३४ अंक बनाएको रोमा एसी मिलान भन्दा चार अंकले पछाडि छ । रोमा भन्दा दुई खेल कम खेलेका यभेन्टस, एटलान्टा र र नापोलीले चौंथौं देखि छैठौं स्थान ओगटेका छन् ।

सिरी ए मा शनिबार तथा आइतबारका खेलहरूः 
बोलानाविरुध्द हेल्लास भेरोना 
टोरिनोविरध्द स्पेजिया 
साम्पडोरियाविरुध्द उडिनेजे 
नापोलीविरुध्द फियोरेन्टिना 
क्रोटोनेविरुध्द बेनेभेन्टो 
सासुओलोविरुध्द पार्मा 
एटलान्टाविरुध्द जेनोवा