अस्ट्रेलियाविरुध्दको चौंथौं टेस्टमा रोहित शर्मा आउट हुँदा भारत दबाबमा

काठमाडौं : ब्रिसबेनमा जारी अस्ट्रेलिया र भारतबीचको जारी टेस्टको दोस्रो दिनको खेलमा पाहुना टोलीले दुई विकेट गुमाएर ६२ रन बनाएको छ । शनिबारको खेल वर्षाले अवरोध गर्नुअघि भारतका लागि रोहित शर्माले ४४ रन बनाए भने शुभम गिल सात रनमा आउट भए । ब्याटिङ गरिरहेका चेतेश्‍वर पुजारा र अजिन्क्या रहानेले क्रमश आठ तथा दुई रन बनाएका छन् । 

त्यसअघि अस्ट्रेलियाले पहिलो इनिङको समाप्तीमा तीन सय ६९ रन बनाएको थियो । घरेल टिमका लागि मार्नुस लाबुसानोले एक सय आठ रन बनाए भने कप्तान टिम पेनले ५० रनको योगदान गरे । नाथन लियोनको बलमा पभेलियन फर्कनुअघि शर्माले ७४ बलको सामना गर्दा छ चाैका प्रहार गरेका थिए । मिचेल स्टार्कद्वारा क्याच आउट हुनुअघि शर्माले उत्साहजनक ब्याटिङ गरिरहेका थिए । 

---