रोहित शर्मा गैरजिम्मेवार देखिएः गावस्कर

काठमाडौं : अस्ट्रेलिया भ्रमणमा रहेको भारतीय टिमका केही महत्वपूर्ण खेलाडीहरू घाइते छन् । चोट बोक्ने खेलाडीहरूको सूचीमा अब रोहित शर्मा पनि थपिने सम्भावना बढेको भारतीय सञ्‍चार माध्यमले जनाएका छन् । शनिबार ४४ रन बनाएर पभेलियन फर्कदा शर्मा असहज तरिकाले हिडिरहेको देखिएको थियो । 

भारतीय अखबार दी इन्डियन एक्प्रेसले शर्माले हयामस्ट्रिङ वा पिडुलाको चोट बोकेको हुनसक्ने अनुमान गरेको छ । घरेलु टिमविरुध्द ७४ बल सामना गर्दा ४४ रन बनाएका शर्मा नाथन लियोनको बलमा आउट भएका थिए ।

---

उता भारतीय टिमका पूर्वकप्तान सुनिल गावस्करले शर्माले गैरजिम्मेवार सट प्रहार गरी आउट भएको प्रतिक्रिया दिएका छन् । ‘रोहितले सोच्‍नै नसकिने सट हिर्काए । त्यो एकदमै गैरजिम्मेवारी निर्णय थियो । उनी जस्तो अनुभवी खेलाडीले त्यसो गर्छन् भनेर सोच्नै सकिँदैन । यो टेस्ट क्रिकेट हो । यो खेलमा शर्मा जस्ता खेलाडीले ध्यान दिएर खेल्नुपर्छ ।’ गावस्करले निराशा पोख्दै भने ।