मेस्सीलाई रेर्ड कार्ड ! सुपर कोपको उपाधि बिल्बाओलाई

काठमाडौं : स्पेनिस सुपर कपको उपाधि एथ्लेटिक बिल्बाओले जितेको छ । आइतबार राती बार्सिलोनालाई ३-२ गोल अन्तरले पराजित गर्दै बिल्बाओले उपाधि उचालेको हो ।

रोमाञ्चक फाइनल खेलमा बार्सिलोनाका कप्तान लियोनल मेस्सीलाई रेर्ड कार्ड दिइएको थियो । निर्धारित समयको खेल २-२ गोलको बराबरीमा सकिएपछि खेलको निर्णय अतिरिक्त समयबाट लिइएको थियो ।

---

जसमा बिल्बाओले ९३ औँ मिनेटमै निर्णायक गोल गरेर उपाधि जितेको हो । बिल्बाओका लागि ओस्कार, भिल्लालिब्रे र इनाकीले विजयी गोल गरे । हारको नजिक पुगेर निकै दबाबमा परेको बार्सिलोनाका मेस्सीले समेत रेर्ड कार्ड खान पुगे । एन्टोइनी ग्रिजमेनले दुई गोल गरेपनि टिमलाई जिताउन भने सकेनन् । 

चोटबाट निको भएर मैदान फर्किएको पहिलो खेलमै मेस्सीले रेर्ड कार्ड पाएका हुन् ।