पहिलो टेस्टमा इंग्ल्याण्ड विजयी

काठमाडौं : श्रीलंकासँगको पहिलो टेस्ट क्रिकेटमा इंग्ल्यान्ड ७ विकेटले विजयी भएको छ। गालेमा घरेलु टिमलाई ७ विकेटले हराउँदै इंग्ल्याण्ड विजयी भएको हो । जितका लागि पाएको ७४ रनको लक्ष्य इंग्ल्याण्डले ३ विकेट गुमाएर भेट्टायो ।

उसका लागि जोनी बेयस्टोलेले अविजित ३५ रन र ड्यान लवेरेनसले अविजित २१ रनको योगदान दिए । श्रीलंकाले पहिलो पालीमा १३५ रन मात्रै बनाउन सकेको थियो । कप्तान जोय रुटको दोहोरो शतकको मद्दतमा इंग्ल्याण्डले पहिलो पालीमा ४२१ रन बनाएको थियो ।

---

तर दोस्रो पालीमा श्रीलंकाले सम्हालिएको प्रदर्शन गर्दै ३५९ रन बनायो । उसका लागि लाहिरु थिरिमान्नेले शतक बनाउँदै १ सय ११ रन जोडे । उनले शतक बनाएको टेस्टमा इंग्ल्यान्डले जितका लागि पाएको ७४ रनको झिनो लक्ष्य सजिलै भेट्टाएको हो । जितसँगै इंग्ल्याण्डले दुई खेलको टेस्ट क्रिकेट श्रृङ्खलामा १-० को अग्रता लिएको छ ।