बेलले टोटनहममा मौका पाउन मेहेनत गर्नुपर्छ: मौउरिन्हो

काठमाडौँ : टोटनहम प्रशिक्षक जोसे मौउरिन्होले ग्यारेथ बेलले लन्डन क्लबमा मौका पाउन मेहेनत गर्नुपर्ने बताएका छन् । रियल म्याड्रिडबाट आएकै भरमा बेलले टोटनहममा खेल्ने मौका नपाउने मौउरिन्होको भनाइ छ ।

गत सेम्टेम्बरमा टोेटनहम फर्केका बेलले प्रिमियर लिगमा चार खेलमा मात्रै मौका पाएका छन् । सिजनको सुरुवातमा चोटका कारण मैदान बहिर रहेका बेल पछिल्लो समय बेन्चमा सीमित छन् । बेलले युरोपा लिगमा मौका पाइरहे पनि मौउरिन्होले उनलाई लिगका लागि भने विश्वास गरिरहेका छैनन् । 

---

‘मैले खेलाडीहरुलाई यत्तिकै मौका दिन मिल्दैन । उनीहरूले त्यसका लागि मेहेनत गर्नुपर्छ । बेलले टिमका लागि सर्वप्रथम बलियो लय देखाउन सक्नुपर्छ । अभ्यासमा आफूलाई प्रमाणित गर्नुपर्छ । मैले उनलाई मौका दिने भन्दा पनि उनले त्यसको लागि योग्य भएको देखाउने हो,’ मौउरिन्हाले भने । एफए कपमा सोमबार राति वाइकोम्भेको समाना गर्न लागेको टोटनहमको टिममा बेल सम्मिलत हुने सम्भावना प्रबल छ ।  जसको संकेत मौउरिन्हो स्वयमले गरे । 

लिगमा हाल पाँचौँ स्थानमा रहेको टोटनहमले चौथौं स्थानको लिभरपुलको भन्दा एक खेल कम खेलेको छ । यी दुई टिम आउँदो बिहीबार आमने-सामने हुँदैछन् ।