साउथह्याम्पटनमाथि आर्सनलको प्रभावशाली जित

काठमाडौँ : इंग्लिस प्रिमियर लिग फुटबलमा आर्सनलले साउथह्याम्पटनलाई हराएको छ । मंगलबार राती भएको खेलमा आर्सनलले साउथह्याम्पटनलाई ३-१ गोल अन्तरले पराजित गरेको हो । आर्सनललाई जिताउन निकोलस पेपे, बुकायो साका र अलेक्जान्द्रे लाकाजेट्टीले गोल गरे ।

साउथह्याम्पटनका स्टुआर्ट आर्मस्ट्रंगले शुरुवाती गोल गरेपनि त्यो धेरैबेर टिक्न सकेन् । पहिलो हाफमै दुई गोल गरेको आर्सनलले दोस्रो हाफमा थप एक गोल गरेर प्रभावशाली जित दर्ता गरेको हो । जितसँगै आर्सनल २० खेलबाट ३० अंकसहित लिगको आठौँ स्थानमा छ । साउथह्याम्पटन भने २९ अंकसहित ११ औँ स्थानमा छ । (अन्तराष्ट्रिय सञ्चारमाध्यमको सहयोगमा)

---