एभर्टनसँग बराबरीमा रोकियो लेस्टर

काठमाडौँ : इंग्लिस प्रिमियर लिग फुटबलमा लेस्टर सिटी एभर्टनसँग बराबरीमा रोकिएको छ । बुधबार राती भएको खेलमा एभर्टनले लेस्टरलाई १-१ गोलको बराबरीमा रोकेको हो । एभर्टनका लागि खेलको ३० औँ मिनेटमा जेम्स रोड्रिग्वेजले गोल गरे । लेस्टरका लागि युरी टेलिमान्सले ६७ औँ मिनेटमा बराबरी गोल फर्काए ।

बराबरीका कारण लेस्टरले प्रिमियर लिगको शीर्ष स्थानमा उक्लिने मौका गुमाएको छ । २० खेलबाट ३९ अंकसहित लेस्टर सिटी तेस्रो स्थानमा छ भने दुई खेल कम खेलेको एभर्टन सातौ स्थानमा छ । समान खेलबाट ४० अंक जोडेको म्यानचेष्टर युनाईटेड प्रिमियर लिगको दोस्रो स्थानमा रहदा म्यानचेष्टर सिटी ४१ अंकसहित शीर्ष स्थानमा छ । 

---