टेस्ट क्रिकेटमा राबाडाको २०० औँ विकेट

काठमाडौँ : दक्षिण अफ्रिकाका तीब्र बलर कागिसो राबाडाले टेस्ट करियरको २०० औँ विकट लिएका छन् । कराँचीमा जारी घरेलु टिम पाकिस्तानविरुद्धको पहिलो टेस्टमा रबाडाले हसन अलीलाई आउट गर्दा २०० औँ विकेट पुरा गरे । 

२५ वर्षीय रबाडाले यस्तो उपलब्धि ४४ औँ खेलमा प्राप्त गरेका हुन् । सन् २०१५ मा टेस्ट त्रिकेटमा डेब्यु गरेका राबाडा दक्षिण अफ्रिकाबाट २०० औँ विकेट लिने आठौँ खेलाडी हुन् । 

---

दक्षिण अफ्रिकाबाट डेल स्टेयन (४३९), शन पोलक (४२१), मखाया एनटिनी (३९०), एलन डोनाल्ड (३३०), मोर्ने मोर्केल (३०९), ज्याक कालिस (२९१) र भेरनोन फिलान्डर (२२४) ले टेस्ट त्रिकेटमा राबाडाले भन्दा धेरै विकेट लिएका छन् ।