महिला लिगः एपीएफको अपराजित यात्रा कायमै

काठमाडौँ : जारी राष्ट्रिय महिला फुटबल लिगमा शसस्त्र प्रहरीको एपीएफ क्लबले बलियो लय कायमै राखेको छ । लिगमा अपराजित रहेको एपीएफले शनिबार पाँचौ जित दर्ता गर्ने क्रममा वालिङ नगरपालिकालाई ३-० ले पराजित गर्‍यो । 

एपीएफको जितमा फेरी पनि स्ट्राइकर सावित्रा भण्डारी महत्वपूर्ण सावित भइन् । उनले दुई गोल गर्दा प्रिती राईले एक गोल थपिन् । पहिलो हाफको १३ औँ मिनेटमा पहिलो  गोल गरेकी भण्डारीले ७५ औँ मिनेटमा अर्को गोल गरिन् । त्यस्तै राईले ७१ औँ मिनेटमा एपीएफका लागि तेस्रो गोल गरिन् । 

---

जितसँगै एपीएफले पाँच खेलबाट १५ अंक बनाएको छ । लिगको शीर्ष स्थानमा रहेको एपीएफले एक गोल पनि खाएको छैन भने २० गोल गरिसकेको छ । एक खेल कम खेलेको आर्मी दोस्रो स्थानमा छ । आर्मीले चार खेलबाट सात अंक बटुलेको छ । पराजित वालिङ भने पाँचौँ स्थानमा छ ।