करणको टिम फेरि पनि पराजित

काठमाडौँ : नेपाली क्रिकेटर करण केसी आबद्द पुने डेभिल्स आबुधाबी टी १० लिगमा फेरि पनि पराजित भएको छ । सोमबार भएको खेलमा पुने बंगला टाइगर्ससँग ८ विकेटले पराजित भएको हो ।

पुनेले दिएको १ सय १६ रनको लक्ष्य बंगलाले ८ ओभर ५ बलमा २ विकेट गुमाएर भेट्टायो । बंगलाको जितमा टम मोरेसले अविजित ३८ रन जोडे । पुनेका मोहमद आमिरले १ विकेट लिए ।

---

करण एक ओभर बलिङ गर्दै १७ रन खर्चिदा पनि विकेट लिन असफल रहे । यस अघि पहिले ब्याटिङ गरेको पुनेले १० ओभरमा ३ विकेट गुमाएर १ सय १५ रन बनाएको थियो ।

हारसँगै पुनेले ४ खेलबाट २ अंक मात्रै जोडेको पुने पुछारमा छ । यस बर्षको टी १० लिगमा पारस खड्का, कुशल मल्ल, सोमपाल कामी र करण केसी आवद्ध छन् ।