बर्नलीमाथि म्यानचेष्टर सिटीको जित

काठमाडौँ : इंग्लिस प्रिमियर लिग फुटबलमा शीर्ष स्थानको म्यानचेष्टर सिटीले महत्वपूर्ण जित हात पारेको छ । बुधबार राती भएको खेलमा सिटीले बर्नलीलाई २–० गोल अन्तरले हराएको हो । सिटीलाई जिताउन गाब्रियल जिसस र रहिम स्ट्रलिङले गोल गरे ।

दुवैले पहिलो हाफमा गोल गरेका हुन् । जितसँगै सिटी २१ खेलबाट ४७ अंकसहित शीर्ष स्थानमा कायमै छ । एक खेल बढी खेलेको दोस्रो स्थानको म्यानचेष्टर युनाईटेडको भने ४४ अंक छ । बर्नली भने २२ अंकसहित रेलिगेसन जोनभन्दा एक स्थान माथि छ । 

---