साउथह्याप्टनसँग चेल्सीको बराबरी

काठमाडौँ : इंग्लिस प्रिमियर लिग फुटबलमा चेल्सीले साउथह्याम्पटनसँग बराबरी खेलेको छ । शनिबार राति सकिएको खेलमा चेल्सीले साउथह्याम्पटनसँग एक-एक गोलको बराबरी खेलेको हो ।

खेलमा अग्रता भने साउथह्याम्पटनले लिएको थियो । उसका लागि टाकुमी मिनामिनोले खेलको ३३ औँ मिनेटमा गोल गरे । पहिलो हाफमा १-० गोलले पछि परेको चेल्सीले दोस्रो हाफमा बराबरी गोल फर्कायो ।

---

उसका लागि मसुन मउन्टले खेलको ५४ औँ मिनेटमा पेनाल्टीमा गोल गरेका हुन् । बराबरीपछि चेल्सी २५ खेलबाट ४३ अंकसहित लिगको चौथो स्थानमा यथावत छ । साउथह्याम्पटन ३० अंकसहित लिगको १३ औँ स्थानमा छ ।