सोसिडाडसँग रियलको बराबरी, बार्सिलोनालाई उछिन्‍ने मौका गुमायो

काठमाडौँ : स्पेनिस ला लिगा फुटबलमा रियल मड्रिडले रियल सोसिडाडसँग बराबरी खेलेको छ । सोमबार राती भएको खेलमा रियलले सोसिडाडसँग एक एक गोलको बराबरी खेलेको छ । 

खेलमा अग्रता भने सोसिडाडले लिएको थियो । उसका लागि म्यानजेनेराले गोल गर्दै टिमलाई दोस्रो हाफको ५५ औँ मिनेटमा अग्रता दिलाएका थिए । गोल खाएपछि दबाबमा परेको रियलले खेलको अन्तिम समयमा बराबरी गोल फर्कायो ।

---

उसका लागि भिन्सियस जुनियरले बराबरी गोल गरे । बराबरीसँगै बार्सिलोनालाई उछिन्ने अवसर रियलले गुमाएको छ । तेस्रो स्थानमा रहेको रियलको समान ५३ अंक भएको छ । समान अंक भएको बार्सिलोना गोल अन्तरका आधारमा दोस्रो स्थानमा छ । 

एक खेल कम खेलेर ५८ अंक भएको एथ्लेटिको मड्रिड भने शीर्ष स्थानमा छ ।