लिभरपुलले राख्यो हारको कीर्तिमान

काठमाडौँ : इंग्लिस प्रिमियर लिगमा बिहीबार राती चेल्सीसँग पराजय ब्यहोरेसँगै लिभरपुलले हारको कीर्तिमान राखेको छ । मेसन माउण्टले खेलको एक मात्र गोल गर्दा च्याम्पियन लिभरपुल १-० ले घरेलु मैदानमै पराजित भयो ।

पछिल्लो हारसँगै लिभरपुलले एनफिल्डमा यस सिजन लगातार पाँच खेलमा पराजय भोग्यो । जुन आफैँमा कीर्तिमान हो । यस अघि कुनैपनि प्रिमियर लिग च्याम्पियनले घरेलु मैदानमा लगातार पाँच खेलमा हारेका थिएनन् ।

---

लिभरपुलले यस सिजन एनफिल्डमा सात खेलमा जित विहिन छ । घरेलु मैदानमा वेस्टबु्रम र म्यानचेस्टर युनाइटेडसँग बराबरी खेलेको लिभरपुल बर्नली, ब्राइटन, म्यानचेस्टर सिटी र एभरटनद्वारा पराजित भयो ।