भारतसँगको खेल बलरले खेल जिताए : इंगल्यान्ड कप्तान मोर्गान

काठमाडौँ: भारत भ्रमणमा रहेको इंगल्यान्डले शुक्रबार घरेलु टिमलाई पहिलो टि–ट्वान्टीमा आठ विकेटले पराजित गर्‍यो । जितमा इंग्लिस बलरहरूको प्रदर्शन गर्व गर्न लायकको थियो । विशेषगरी फास्ट बलरहरूले इंगल्यान्डलाई विजयी बनाउन महत्वपूर्ण भूमिका निर्वाह गरे । 

अहमदाबादको नरेन्द्र मोदी रंगशालामा भएको खेलमा इंगल्यान्डका जोफ्रा आर्चर र मार्क उडले आठ ओभरमा मात्र ४३ रन खर्चेर कुल चार विकेट लिए । आर्चरले तीन विकेट हात पारे भने उडले एक विकेट थपे । जसका कारण भारत निर्धारित २० आोभरमा सात विकेटको क्षतिमा एक सय २४ रनमा समेटियो । 

---

खेलपछि इंग्लिस कप्तान इयोन मोर्गानले बलरहरुले खेल जिताएको प्रतिक्रिया दिए । ‘हाम्रो उदेश्य फास्ट बलरहरूको उपयोग गर्ने नै थियो । जोफ्रा र उडले राम्रो बलिङ गरे । उनीहरुले यो खेलमा गरेको जस्तो बलिङ सधैँ दोहो¥याउन सकिँदैन । तर यस्तो बलिङले खेललाई अवश्य पनि मनोरञ्जनात्मक बनाउँछ,’ भारतीय सञ्चार माध्यमसँग कुरा गर्दै मोर्गानले भने । 

उनले इंगल्यान्डको टिममा ब्याटिङमा जस्तै बलिङ विभागमा पनि प्रतिस्पर्धा रहेको बताए । टिममा भएका प्रतिभाशाली बलरहरूको उपायोग गर्दै खेल जित्ने रणनीतिमा आफूहरू सफल भएको कप्तान मोर्गानको भनाई थियो । ‘बलरहरूबाट यो भन्दा बढी अपेक्षा गर्नुहुँदैन । उनीहरुले उत्कृष्ट खेले । हाम्रो रणनीति सामान्य थियो, स्टे«ट बलिङ गर्ने । जसमा हामी सफल भयौँ,’ मोर्गानको भनाइ थियो ।