राष्ट्रिय महिला भलिबलमा आर्मीमाथि डायमन्डको रोमाञ्चक जित

झापा– आजबाट सुरु भएको प्रथम दमक कप राष्ट्रिय महिला भलिबल प्रतियोगितामा होङ्गान्जी न्यू डायमन्ड स्पोर्ट्स क्लबले विभागीय त्रिभुवन आर्मी क्लबमाथि रोमाञ्चक जित निकालेको छ। प्रतिष्पर्धात्मक खेलमा डायमन्डले आर्मीमाथि ३–२ को जित निकालेको हो ।

दमकको पसुहाटमा शनिबार भएको खेलमा डायमण्डले पहिलो सेट गुमाएको थियो। उसले १८–२५ ले पहिलो सेट गुमाएको हो । दोस्रो सेटमा डायमण्डले २५–१६ को सहज जित निकाल्यो भने तेस्रो सेट १२–२५ ले गुमाएको थियो । रोमाञ्चक खेलको चौंथो सेटमा डायमण्डले २५–१३ ले आफ्नो पक्षमा बनाएपछि पाँचौं सेटसम्म् खेल पुगेको हो ।

प्रतिस्पर्धात्मक बनेको पाँचौ सेट डायमन्डले १९–१७ को रोमाञ्चक जित निकालेको हो ।

---