न्यु डायमण्ड दमक कपको सेमिफाइनलमा

काठमाडौं– होङ्गान्जी न्यु डायमन्ड स्पोर्ट्स क्लब प्रथम दमक कप राष्ट्रिय महिला भलिवल प्रतियोगिताको सेमिफाइनलमा प्रवेश गरेको छ। समूह चरणको अन्तिम खेलमा दमक भलिबल क्लबलाई हराउँदै डायमण्ड प्रतियोगिताको अन्तिम चारमा पुगेको हो ।

दमकको पसुहाटमा आइतबार भएको खेलमा डायमन्डले आयोजक दमक भलिबल क्लबलाई ३–० को सोझो सेटमा पराजित गरेको थियो । डायमन्डले दमकमाथि २५–८, २५–९ र २५–१२ को एकपक्षीय जित निकाल्न सफल भयो । दमकमाथि जित हासिल गर्दै डायमण्ड समूह विजेता बनेको हो ।

जितसँगै डायमन्डले दुई खेलबाट ५ अंक जोड्यो ।

---