दीपेन्द्रसिंह ऐरी आइसिसीको मनोनयनमा

काठमाडौं–नेपाली राष्ट्रिय क्रिकेट टोलीका अलराउन्डर दीपेन्द्र सिंह ऐरी आइसिसी मनोनयनमा परेका छन् । प्लेयर अफ द मन्थ (महिनाको उत्कृष्ट खेलाडीको) लागि फेब्रुअरी महिनाका लागि उनी मनोनयनमा परेका हुन्।

उनीसँगै उत्कृष्ट खेलाडीको मनोनयनमा दीपेन्द्रसँगै भारतका श्रेयस ऐर र यूएईका वृत्य अरविन्द रहेका छन् । दीपेन्द्रले आइसिसी टि२० विश्वकप छनोटमा उत्कृष्ट प्रदर्शन गरेका थिए । सोही आधारमा उनलाई मनोनयनमा राखिएको हो । पछिल्ला प्रतियोगितामा उत्कृष्ट प्रदर्शन गर्ने खेलाडीलाई यो मनोनयनमा राखिने गरिएको छ। 
उनीसँगै आइसिसी टी–ट्वेन्टीमा उत्कृष्ट प्रदर्शन गरेका यूएईका वृत्य अरविन्द र भारतका  ऐर​ छन् । ऐरले श्रीलंका र वेस्ट इन्डिजविरुद्ध सिरिजमा उच्च प्रदर्शन गरेका थिए ।

---

दीपेन्द्रले विश्वकप छनोटमा १ सय ५९ रन र ३ विकेट लिएका थिए। यसअघि नेपालका कुशल भुर्तेल र सन्दीप लामिछाने मनोनयनमा परेका थिए । सन्दीपले सेप्टेम्बर २०२१ को आइसिसी प्लेयर अफ द मन्थको उपाधि जितिसकेका छन्।