गोल्डकपको फाइनलमा नेपाल आर्मी र मकवानपुर-११ भिड्ने

हेटौंडा : हेटौंडामा जारी स्थानीय तह सहिद स्मृति गोल्डकप फुटबल प्रतियोगिताको फाइनलमा शनिबार नेपाल आर्मी र घरेलु टोली मकवापुर-११ भिड्ने भएका छन् । 

बिहीबार भएको दोस्रो सेमिफाइनल खेलमा अफ्रिकन रुट्स एसोसिएसन (अरास) लाई १-० गोलले हराउँदै आर्मीले फाइनलमा मकवानपुर-११ सँगको भेट पक्का गरेको हो । 

---

आर्मीका आशिष शाक्यले गरेको गोल नै निर्णायक बन्यो । खेलको म्यान अफ दी म्याच आर्मीका टेक बहादुर बुढाथोकी घोषित हुँदै नगद १० हजार प्राप्त गरे । 

खेलको विजेतालाई नगद १० लाख र उपविजेताले ५ लाख प्राप्त गर्नेछन् । यस्तै सर्वोत्कृष्ट खेलाडीले बुलेट बाइक प्राप्त गर्नेछन् । शनिबार हुने फाइनल खेल हेर्न दर्शकले ३ सयको  टिकट काट्नुपर्ने आयोजकले जनाएको छ । 

यसअघि नकआउट चरणको खेल हेर्न दर्शकले १ सय र सेमिफाइनल खेल हेर्न १ सय ५० रुपैयाँको टिकट काटेका थिए । फाइनल खेल ४ हजार दर्शकले हेर्न सक्ने आयोजक मकवापनुर जिल्ला फुटबल संघका अध्यक्ष टिका लामाले जानकारी दिए ।